Erməni generalları narahatdır
10 İyun 2012 13:59 (UTC+04:00)
Birinci Qarabağ müharibəsinin iştirakçıları olan
erməni generalları narahatdırlar. ANS PRESS-in Ermənistan
mətbuatına istinadən verdiyi məlumata görə, Ermənistanda Azərbaycan
Ermənistan qoşunlarının təmas xəttində son günlər baş verən
insidentlə bağlı toplantı çağırılıb. Toplantıda Dağlıq Qarabağ
mühahirəbəsinin iştirakçıları olan "qəhrəmanlar" iştirak
ediblər.
Onların arasında Ermənistanda "Komandos" ləqəbi
ilə məşhur olan hərbi müfəttiş Arkadi Ter Tadevosyan, general
Seyran Saroyan, deputat Arakel Movsisyan da olub. Toplantıda erməni
generallar Erməni tərəfinin cəbhə xəttində kobud səhvlərə yol
verdiklərini etiraf ediblər. Erməni generalların həyasızlığı o
həddə çatıb ki, onlar cəbhə xəttində qeydə alınan son
insidentlərdən sonra Azərbaycan tərəfini cəzalandırmağın
vacibliyindən danışıblar.
"Əgər müharibə başlayarsa bütün deputatlar varlı
və kasıb olmağından asılı olmayaraq ayağa qalxacaq", - deyə Seyran
Saroyan bildirib. Erməni jurnalistin Saroyana "həqiqətənmi varlı
erməni deputatının təmas xəttinə göndərilməsi mümkündür?" sualı isə
cavabsız qalıb.