Krımda “Berkut” xüsusi təyinatlı milis dəstəsinin 9 əməkdaşına Rusiya pasportu verilib

1 Mart 2014 22:37 (UTC+04:00)
Ukraynanın "Berkut" xüsusi təyinatlı milis dəstəsinin Krım bölməsinin 9 əməkdaşına Rusiya pasportu verilib. Movqe.az-ın "RİA Novosti"yə istinadən verdiyi xəbərə görə, bu barədə Rusiyanın Simferopoldakı baş konsulluğunun mətbuat xidmətinin nümayəndəsi Yevgeniya Kaplunenko bildirib.
"Bu günlük sənədləşmə işi yekunlaşıb", deyə o bildirib. Onun sözlərinə görə, Rusiyanın Simferopoldakı baş konsulluğuna "Berkut" xüsusi təyinatlı milis dəstəsinin döyüşçülərindən Rusiya vətəndaşlığının alınması ilə bağlı çoxlu zənglər və məktublar daxil olur.