Səhnəyə çıxıb öz performansını nümayiş etdirən Fərid emosionallığı, aktivliyi və enerjisi ilə tamaşıcılara özünü sevdirə bilib. Bunu görən məşhur şoumen və bəstəkar-müğənni Rəhim Rəhimli gənc müğənniyə onu bəyəndiyini söyləyib. Həm gitara ifaçılığı, həmdə görünüşlə Türkiyənin pop ulduzu Kənan Doğuluya bənzədiyini qeyd edən Rəhim Rəhimli ona:
"Sən Azərbaycan səhnəsinin Kənan Doğulusu olacaqsan!" – dedi.
Özü bəstələdiyi ritmik mahnını ifa edən Fərid Röyanın da qəlbinə yol tapdı: "Oxuyursan ki, qız məni buraxdı, mən "cocuğam". Bu boyda da "cocuk" olar? Məncə, səni tapan çətin buraxar, elə yaxşı saxlayar ki. Yalnız bir məsləhətim var - dayanmadan üzərində işlə! Çalışan və istedadlı gənclərə biz hər zaman dəstək oluruq" - deyə, Röya bildirdi.
Bu sözlərdən ruhlanan gənc müğənni Fərid Mərd: "Bu sözlərdən sonra sevincimdən uçmaq istəyirəm. Bu etibarınızı doğrultmaq üçün dayanmadan öz üzərimdə daha çox işləyəcəyəm" – deyə, xoşbəxtliyini gizlətmədi.
Kənan Doğulu potensiallı həmin gənc müğənni Fərid Mərdin ən maraqlı səhnə görüntülərini sizə də təqdim edirik:
Türkan Nadirqızı
Movqe.Az