Odessada 43 nəfər öldü: xeyli yaralı var

3 May 2014 12:03 (UTC+04:00)
Ukraynanın Odessa şəhərində ölənlərin sayı 43 nəfərə çatıb. Movqe.az ANS PRESS-ə istinadən xəbər verir ki, Odessa şəhərində Ukrayna ordusu ilə separatçılar arasında gedən döyüşlərdə 174 nəfər isə xəsarət alıb. 

Ukrayna mətbuatının məlumatına görə, xəsarət alanlardan 25-nin vəziyyəti ağırdır. 77 nəfər isə xəstəxanaya yerləşdirilib. 2 yaralı xəstəxanada ölüb. Bununla da ölənlərin sayı 43 nəfərə çatıb.

Odessa şəhər mərkəzi xəstəxanası açıqlama yayıb ki, yaralılara təcili qan lazımdır: "Yaralıların sayı getdikcə artır. Ona görə də təcili tibbi yardım mərkəzləri gücləndirilmiş iş rejimində çalışır".

Ukrayna mətbuatının yazdığına görə, Odessa şəhərində ölənlərdən 15-ci Rusiya, 5 nəfəri ilə Dnestryanı vətəndaşıdır.