Bakıda daha bir sosial şəbəkə faciəsi
3 May 2014 16:00 (UTC+04:00)
Ötən gün 12:15-də Bakının Yasamal rayonunda baş verən dəhşətli
qətlin təfərrüatları məlum olub.
Movqe.az xəbər verir ki , Yasamal rayon Polis İdarəsindən
verilən məlumata görə, H.Zərdabi küçəsi, 71, mənzil 176-da
yaşayan 1978-ci il təvəllüdlü Dilavər Nadir oğlu Əhmədov həyat
yoldaşı 1989-cu il təvəllüdlü Günay Eldar qızı Əhmədovanı boğaraq
qətlə yetirib.
Daha sonra Dilavər Əhmədov polisə zəng vuraraq arvadını öldürməsi
barədə məlumat verib. Hadisə yerinə gələn hüquq-mühafizə orqanları
Dilavər Əhmədovu tutub. Qadının meyidi isə tibbi ekspertizaya
verilib.
Araşdırmalar zamanı 36 yaşlı Dilavər Əhmədovun keçmiş polis işçisi
olduğu məlum olub.
Hadisə şahidləri baş verən qətlə səbəb olan məsələni
danışıblar. Deyilənlərə görə, Əhmədovlar ailəsinin 3 övladı var.
Əvvəllər onlar normal dolanıb. Ərlə arvadın arasında hər hansı bir
mübahisə eşidilməyib. Lakin sonradan Günay Əhmədova bir müddət
əvvəl sosial şəbəkədə, daha dəqiq "Odnoklassniki"də olarkən
əvvəllər tanıdığı bir nəfəri tapıb. Deyilənlərə görə, qadının
tapdığı kişi əvvəllər onun sevgilisi olub. Keçmiş tanışını tapan
qadın sonradan onunla yenidən münasibət qurub. Bir müddət sonra
Dilavər Əhmədov məsələdən hali olub.
Bundan sonra cütlük arasında mübahisə yaranıb. Əsəblərini cilovlaya
bilməyən ər özündən 11 yaş kiçik arvadını boğaraq qətlə
yetirib.
Faktı Yasamal rayon Prokurorluğu araşdırır.