Nəqliyyatı İntellektual İdarəetmə Mərkəzi sürücülərə xəbərdarlıq
edib. NİİM-nin saytında bildirilir ki, may ayının 7-də saat
09.00-dan mayın 11-i saat 11.00 qədər Bakıda keçiriləcək "Tour
dAzerbaidjan" beynəlxalq velosiped turunda iştirak edən
velosipedçilərin və tamaşaçıların təhlükəsizliyini təmin etmək
məqsədilə Neftçilər, Nobel, Heydər Əliyev, Bülbül, Parlament
prospektlərində, Yusif Səfərov, Üzeyir Hacıbəyli, Puşkin, Landau,
Bakıxanov, Səməd Vurğun, Şəmsi Bədəlbəyli küçələrində, eləcə də
Dövlət Bayrağı Meydanından Dairəvi yol və Nobel prospekti – Zığ
şosesi istiqamətlərində nəqliyyatın hərəkəti fasilələrlə
məhdudlaşdırılacaq.