Tələbələrə şad xəbər
9 May 2014 19:04 (UTC+04:00)
Təhsil Nazirliyindən tələbə qrantları və
kreditləri sisteminin işə salınması ilə bağlı açıqlama
veriblər.
Movqe.az xəbər verir ki , nazirlikdən bildiriblər
ki, aztəminatlı ailələrdən olan tələbələrin təhsil almaq
imkanlarının artırılması və stimullaşdırılması məqsədilə Təhsil
Nazirliyi tərəfindən təhsil qrantları və kreditlərinin verilməsi
mexanizminin hazırlanması üzərində işə başlanılıb. Nazirlikdən
həmçinin hansı tələblərin bu imkanlardan yararlana biləcəkləri
məsələsinə də aydınlıq gətiriblər:
"Tələbə qrantları və kreditlərinin verilməsi üçün
tələbələrin təhsildə göstərdikləri akademik nailiyyətləri əsas
götürüləcək. İctimaiyyətə isə bu barədə ətraflı məlumat
veriləcək".
Qeyd edək ki, təhsil naziri Mikayıl Cabbarov
Nazirlər Kabinetinın iclasında çıxışı zamanı bildirib ki, növbəti
akademik ildən başlayaraq, Təhsil Nazirliyi öz imkanları hesabına
ali təhsildə pilot layihə kimi tələbə qrantları və kreditləri
sisteminin işə salınmasını planlaşdırır.