Mayın 13-də Brüsseldə Avropa Birliyinin Ukraynaya 1 milyard avro ayırması haqqında sənəd imzalanacaq. Movqe.az-ın "İnterfaks" agentliyinə istinadən verdiyi məlumata görə, bunu Ukraynanın baş naziri Arseni Yasenyuk Avropa Şurasının prezidenti Herman van Rompey ilə Kiyevdə keçirdiyi birgə brifinqdə bəyan edib.
"Sabah Brüsseldə Ukrayna və Avropa Komissiyası arasında tarixi iclas baş tutacaq. Biz mühüm sənədlərin imzalanmasını gözləyirik. O cümlədən, Ukraynaya 1 milyard avro məbləğində yardım paketinin ayrılmasını", - deyə Yasenyuk bildirib.