Ukraynanın Donetsk vilayətində rəsmi Kiyevdən
muxtariyyat tələb edən ruspərəst fəallar aksiya
keçiriblər.
Movqe.az ANS PRESS-ə istinadən xəbər verir ki,
Lenin meydanında baş tutan aksiyaya minlərlə insan qatılıb.
"Rusiya, Rusiya" şüarları səsləndirən fəallar Donetskin
müdafiəsində rəsmi Moskvadan kömək istəyiblər.
Özlərini Donetsk Xalq Respublikası adlandıran
qurum üzvləri Donetskin gələcək inkişafının Rusiya ilə bağlı
olduğunu qeyd ediblər. Donetsk ali şurasının sədri Denis Puşilin
beynəlxalq təzyiqlərlə baxmayaraq, onları müdafiə etdiyi üçün
Rusiya prezidenti Vladimir Putinə təşəkkürünü
bildirib.
Bir qədər əvvəl Putin Ukraynada keçirilən
prezident seçkilərinin nəticələrini tanıyacağını deməsi rəsmi
Kiyevlə Moskva arasında sülh razılaşması olacağı ümidlərini
doğrultmuşdu. Lakin hökumətin Donetsk hava limanında separatçılara
qarşı keçirdiyi əməliyyatlar vəziyyəti yenidən
gərginləşdirdi.
Əməliyyatlar zamanı 100-dən çox silahlı
zərərsizləşdirilmişdi.
Ölkənin yeni seçilmiş prezidenti Petro Poroşenko
tərksilah olmayan istənilən şəxsə qarşı terrorçu münasibəti
bəslənəcəyini qeyd etmişdi.