1 iyun Uşaqların Beynəlxalq Müdafiəsi Günü münasibətilə Peşəkar
Psxiologiya Mərkəzi "28 mall" ticarət mərkəzində uşaqlar üçün
əyləncə proqramı təşkil edib. Tədbiri açıq elan edən mərkəzin
direktoru Nuriyyə Quliyeva və Uşaq İnkişaf Klubunun direktoru
Tahibə Quliyeva uşaqları bayram münasibətilə təbrik etdikdən sonra
sözü balacalara veriblər. Tədbirdə ilk olaraq "Canbala" Uşaq Futbol
Klubunun çıxışı nümayiş etdirilib. Face-art vasitəsilə uşaqların
sevdiyi cizgi film qəhrəmanları yaradılıb. Daha sonra isə, Peşəkar
Psixologiya Mərkəzinin Uşaq Teatr Klubunun hazırladığı "Tıq-tıq
xanım" və "Qırmızı papaq" tamaşaları uşaqlar tərəfindən
canlandırılıb. Sonda uşaqlar "Səmum" qrupunun ifaları ilə rəqs
edərək əyləniblər.