Slavyanskda 2 rus jurnalist qaçırıldı
7 İyun 2014 19:00 (UTC+04:00)
Rusiyanın "Zvezda" telekanalının jurnalistləri
Andrey Suşenkov və Anton Malışev ötən gecə Slavyansk şəhərində
itkin düşüb.
Movqe.az ANS PRESS-ə istinadən xəbər verir ki ,
jurnalistlər Ukraynanın yeni selimiş prezidenti Pyotr Poroşenkonun
and içmə mərasimini işıqlandırmaq üçün
yollanıblar.
Telakanal rəhbərliyinin məlumatına görə,
jurnalistlər Ukraynanın Slavyansk şəhərində sərhəd keçid
məntəqəsində yoxlanıldıqdan yoxa çıxıblar. Onlarla əlaqə saxlamaq
mümkün olmayıb.
Telekanal rəhbərliyi jurnalistləri "Sağ sektorun"
fəalları və ya Ukrayna Milli Qvardiyasının əməkdaşlarının
qaçırdığını iddia edir.
Rusiyanın Ukraynadakı səfirliyi isə "Zvezda"
telekanalının 2 jurnalistinin Slavyanskda itkin düşməsi barədə
ATƏT-i məlumatlandırıb.