Milli Televiziya və Radio Şurasının (MTRŞ)
sədri Nuşirəvan Məhərrəmli
bir qrup
televiziya mütəxəssisi ilə
görüşüb. Görüşdə "Respublika
teleməkanında serialların rolu
və perspektivlər" mövzusu ətrafında
geniş söhbət aparılıb.
Ssenarist, bəstəkar, prodüser,
inzibatçı və prodakşn
rəhbəri qismində iştirak
edən mütəxəssislər teleserialların keyfiyyət tərəfini,
milli-mənəvi dəyərlərlə
uzlaşma dərəcəsini, maliyyə
məsələlərini çözüblər. N.Məhərrəmli
bildirib ki, telekanallarda
nümayiş olunan seriallarla
bağlı qarşıda iki
məsələ - yaxın müddətdə
yerli istehsal hesabına
xarici serialların nümayişini tam
məhdudlaşdırmaq və sonra serial və
ya çoxseriyalı bədii
filmlər çəkilişinin yeni
"keyfiyyət mərhələsinə" keçmək
- durur. Bu tədbirlər
gələcəkdə mövcud prodakşnlara
yol açmaq
üçün bir
vasitə olacaq. Beləliklə,
serialların çəkilişlərilə telekanallar özləri
yox, dünya praktikasına
uyğun olaraq, prodakşnlar
məşğul olacaqlar. Hazırda
dövlətin yerüstü telekanallara ayırdığı maliyyə
vəsaiti sonra prodakşnlara
"keyfiyyət mərhələsində veriləcək". Dövlətin
bu qayğısı, hər
şeydən əvvəl, kino
mütəxəssislərinin işlə təmin
olunması deməkdir. Telekanallar üçün
filmlərin çəkilməsi mexanizminin təkmilləşdirilməsi üzərində iş
isə davam
edir.