Moskvada Azərbaycan muğamı səslənir
8 İyun 2014 21:08 (UTC+04:00)
Bu gün Rusiyanın paytaxtı Moskva şəhərində
Azərbaycan muğamı səslənəcək.
Movqe.az ANS PRESS-ə istinadən xəbər verir ki,
Mahmud Salah və "Qədim Şərq" ansamblı Avropaya qastrol səfəri
çərçivəsində Moskvada "Azərbaycan muğamı. Gələcəyə səyahət" adlı
solo konsertlə çıxış edəcək. Konsert "Kainatın səsi" adlı 12-ci
Beynəlxalq musiqi festifalı çərçivəsində həyata keçiriləcək. Bu
haqda informasiyanı "Dünyanın mədəniyyət musiqiləri"
elmi-yaradıcılıq mərkəzi yayıb.
Qeyd edək ki, adı çəkilən korsertə Çaykovski adına
Moskva Dövlət Konservatoriyasının Raxmaninov zalında bu gün axşam
saat 19.00-da start verilib.
Konsertdə kollektivi Mahmud Salah (qaval), İqbal
Məmmədzadə (tar), Oqtay Şərifov (kamança), Fəqan Ələsgərov
(balaban) və Gülsurə Əsgərova (xanəndə) təmsil
edəcək.
"Qədim Şərq" muğam ansamblı 2000-ci ildə Mahmud
Salah tərəfindən yaradılıb. Ansamblın üzvləri hər muğamı klassik
stildə ifa edirlər.
Xatırladaq ki, "Qədim Şərq" ansamblının Moskvada
keçiriləcək konserti iyun ayının 15-də 15 illiyini qeyd edəcək
Rusiya Azərbaycanlıların Federal Milli-Mədəni Muxtariyyəti
(AzərRos) tərəfindən təşkil edilir.