ABŞ-ın Montana ştatının Vaythol qəsəbəsində, kranlardan axan suda
qızıl tapılıb. Şaron Braun adlı bir qadın qab-qacaq yuyarkən kran
suyunda kiçik sərt cisimlər olduğunu görüb. Qadının yığdığı
cisimləri yoldaşına göstərməsiylə, insanı heyrətə salan həqiqət
ortaya çıxıb. Qızıl mədənlərinin olduğu bir bölgə olan Vaytholda
yaşayan ailə, kimyəvi araşdırmalar nəticəsində sudakı cisimlərin
saf qızıl olduğunu doğrulayıb.
Movqe.Az xəbər verir ki, Şaronun yoldaşı Mark Braun, "kran
suyunda gözlə görülə biləcək hissəciklər varsa, gözlə görülməyən nə
kimi maddələr var görəsən" deyərək istifadə etdikləri suyun nə kimi
əməliyyatlardan keçdiyini öyrənmək istədiklərini söyləyib.
Səlahiyyətlilər isə qəsəbədəki qızıl mədəninə aid tullantıların
içməli suya qarışmış ola biləcəyini, ətraflı araşdırmaların davam
etdiyini deyib.
