Qırğız Respublikasında Milli Qurtuluş Gününə həsr olunmuş tədbir keçirildi
12 İyun 2014 17:57 (UTC+04:00)
Azərbaycan Respublikasının Qırğız Respublikasında Səfirliyi
Azərbaycanın Milli Qurtuluş Gününə həsr olunmuş mətbuat konfransı
keçirib.
Konfransda Qırğızstanda fəaliyyət göstərən əsas kütləvi informasiya
vasitələrinin rəhbərləri və nümayəndələri iştirak etmişlər.
Mətbuat konfransında Azərbaycan Respublikasının Qırğız
Respublikasında Fövqəladə və Səlahiyyətli səfiri cənab Hidayət
Orucov çıxış edərək bildirmişdir ki, onun Qırğızstanda il yarımlıq
diplomatik fəaliyyəti dövründə ilk mətbuat konfransıdır.
Səfir Qırğız Respublikasında fəaliyyət göstərən bütün kütləvi
informasiya vasitələrinə mətbuat konfransı keçirilmədən də
Səfirliyin tədbirlərini kifayət qədər işıqlandırdıqları üçün
təşəkkürünü bildirmişdir.
Məlumat vermişdir ki, Azərbaycan öz müstəqilliyini 18 oktyabr
1991-ci ildə bərpa etmişdir. Lakin, müstəqilliyin ilk illərində
ölkədə hakimiyyətin krizisə uğradığı müşaidə olunurdu və
Ermənistanın işğalçılıq təcavüzü getdikcə güclənirdi.
1993-cü ilin iyun ayının 15-də xalqın təkidli tələbi ilə Heydər
Əliyev Azərbaycan Respublikası Ali Sovetinin sədri, həmən ilin
oktyabr ayının 3-də isə Azərbaycan Respublikasının Prezidenti
seçildi. Beləliklə, 15 iyun tariximizə Milli Qurtuluş Günü kimi
daxil olub. Azərbaycan Respublikası Milli Məclisi 1997-ci ilin
iyununda bu günü bayram elan etdi.
Azərbaycan dövlətçiliyi ona qarşı yönəlmiş qəsdlərdən uğurla çıxdı.
Ümummilli Liderin qətiyyəti xalqa ruh yüksəkliyi gətirdi, inamımızı
özümüzə qaytardı, sabitlik və əmin-amanlıq yaratdı. Ümummilli
liderimiz Heydər Əliyevin Azərbaycana rəhbərlik etdiyi dövrdə
milli-mənəvi dəyərlərimiz bərpa edilmiş, onun qətiyyəti, apardığı
uğurlu daxili və xarici siyasət sayəsində ölkəmiz xaosdan xilas
olmuş, sivil demokratik inkişaf yolu ilə inamla irəliləyərək böyük
nailiyyətlər qazanmışdır. Heydər Əliyev öz gücünə, təcrübəsinə
güvənən dahi siyasətçi kimi dəfələrlə söylədiyi məşhur kəlamına
sadiq qaldığını sübut etdi ki, "Azərbaycanın dövlət müstəqilliyi
əbədidir, sarsılmazdır, dönməzdir".
Hələ 1993-cü ildə BMT-nin Təhlükəsizlik Şurası Azərbaycan
Respublikasının ərazi bütövlüyünü, suverenliyini dəstəkləyən,
Ermənistan silahlı qüvvələrinin Azərbaycan ərazisindən qeyd-şərtsiz
dərhal çıxarılması ilə bağlı dörd Qətnamə qəbul etmişdir.
Təəsüf ki , bu günədək belə böyük beynəlxalq təşkilatın qərarı
Ermənistan tərəfindən icra olunmur.
Heydər Əliyev türkdilli ölkələrlə qardaşlıq münasibətlərinin
yaranması üçün hədsiz işlər görüb və türk dünyasının ən çox
sayılıb-seçilən şəxslərindəndir.
Mərkəzi Asiya və Qırğızstanla qarşılılıqlı sıx əməkdaşlığın
inkişafı Heydər Əliyevin xarici siyasətinin prioritet hissərindən
biri idi.
Heydər Əliyev deyirdi ki: "Bizim xalqlarımız qardaşdır və "Manas"
dastanı bizim ümumi dildə yazılıb".
Azərbaycançılıq, müstəqillik və dövlətçilik amalları naminə milli
həmrəyliyin yaradılması istiqamətində ardıcıl addımlar atılmışdır.
Dünyanın müxtəlif qitələrinə səpələnmiş soydaşlarımızın tarixi
Vətənlə əlaqələrini gücləndirmək, onların dil, əqidə və əməl
birliyini möhkəmləndirmək məqsədilə çox gərəkli tədbirlər
keçirilmişdir.
Heydər Əliyevin təşəbbüsü ilə 9-10 noyabr 2001-ci ildə Bakıda dünya
azərbaycanlılarının birinci qurultayı keçirilmişdir və orda 36
ölkədən 540 soydaşımız iştirak etmişdir.
Bu ilin may ayında Azərbaycan Respublikasının Qırğız
Respublikasında Səfirliyi "Heydər Əliyev - həmişə zamandan irəli"
adlı kitabın təqdimat mərasimin keçirmişdir. Bu kitabda Heydər
Əliyevin 90 illiyi yubileyinə həsr olunmuş eyni adlı Beynəlxalq
konfransın və Ümummilli Liderin anım günü ilə bağlı keçirilmiş
"Dairəvi masa"nın materialları toplanmışdır. Hər iki tədbir də
2013-cü ilin aprel-may aylarında qardaş Qırğız torpağında
keçirilmişdir.
Qeyd edilən Beynəlxalq konfrans və "Dəyirmi masa" onu göstərir ki,
Heydər Əliyevin həyat və fəaliyyəti görkəmli Dövlət xadimi və
siyasətçi kimi dünya miqyasında tanınır, hörmət edilir və yüksək
qiymətləndirilir, həm MDB ölkələrində, Mərkəzi Asiyada və
Qırğızstanda, eləcə də bütün dünyada.
Artıq bir ildən çoxdur ki Qırğızstanda işdəyirəm və öz şəxsi
müşaidəmin nəticəsi olaraq əminliklə deyə bilərəm ki, Qırğız
Respublikası demokratik, hüquqi və dünyəvi Dövlətin qurulmasında
düzgün milli siyasət aparır.
Azərbaycan Respublikası Prezidenti Zati-Aliləri cənab İlham
Əliyevin və Qırğız Respublikası Prezidenti Zati-Aliləri cənab
Almazbek Atambayevin rəhbərlikləri ilə ölkələrimiz arasında
əməkdaşlıq, dostluq və qardaşlıq münasibətləri genişlənib,
dərinləşib və möhkəmləşib, bu da ikitərəfli və hökumətlərarası
əməklaşlığın dinamik inkişafına əlavə güc verir.
Sonra Səfir jurnalistlərin çoxsaylı suallarını cavablandırmışdır.