İki gündür ki, Heydər Əliyev küçəsilə Cəlil
Məmmədquluzadə küçəsində təmir işləri gedir.
Movqe.az ANS TV-ə istinadən xəbər verir ki,
hazırda Heydər Əliyev küçəsilə Səməd Vurğun küçəsinin kəsişməsindən
Cəlil Məmmədquluzadə küçəsinədək olan hissəsi təmir olunur. Yolda
kommunikasiya xətləri üçün qazılmış xəndəklərin yolun səviyyəsi ilə
uyğun doldurulması və kipləşdirilməsi işləri aparılır. Yolun köhnə
örtüyü qaşınacaq və qazılmış hissəyə 20 sm qalınlığında asfalt
beton örtüyü vurulacaq. Yolun kənarı düzəldiləcək. Hazırda isə
kommunikasiya quyularının dəmir-beton pillələrinin dəyişdirilməsi
işləri aparılır.
Bu işlərlə əlaqədar həmin yolda maşınların
hərəkətinə məhdudiyyət qoyulub.
Sürücülərə isə alternativ yollardan istifadə etmək
tövsiyyə olunub. Həmin istiqamətdə kifayət qədər alternativ yollar
olduğundan tıxacın yaranması da mümkünsüzdür. İşlərin tam olaraq nə
vaxt yekunlaşacağı hələ ki məlum deyil.