Ən xoşbəxt olduğumuz saat bilindi

14 İyun 2014 21:15 (UTC+04:00)
İnsanın ən xoşbəxt olduğu zaman kəsiyi açıqlanıb.Movqe.az  ANS PRESS-ə istinadən xəbər verir ki, bu saat 15:00-16:00 arasındadır. Türkiyəli professor Mustafa Kemal Başaralının sözlərinə görə, bu zaman kəsiyində xoşbəxtlik hormonu olan endorfin ən yüksək həddə çatır. Bu idmanla məşğul olmaq üçün də ən yaxşı saatdır. Çünki bu saatda təyziq və qan dövranı yaxşı işləyir. 

"05.00 günə hazırlaşmaq saatıdır. Bədəndə kortizon səviyyəsi getdikcə artmağa başlayır. 06.00-07.00 saatlarındakı səhər yeməyindən sonra bədən oyanmağa başlayır. Orqanizm 60 faiz işə hazırdır. Həzm sistemi səhər saatlarında çox yaxşı çalışır. 08.00-09.00-da nəbz və təyziq artmağa başlayır". 

Saat 10.00-11.00 arasında insanın dinamikliyi, fəallığı artır. Artıq bir saat sonra 12:00-da orqanizm istirahətə ehtiyac duyur. Nahar vaxtı - saat 13:00-da insanın iş qabiliyyəti 20 faiz azalır. Saat 17.00-dən sonra adrenalin ən yüksək həddə çatır. Axşam yeməyi üçün ideal vaxt 18:00-dur. Bu saatda mədəaltı vəz, qaraciyər yaxşı işləyir. 

Saat 19:00-dan sonra isə orqanizm tənbəlləşməyə başlayır. Saat 20:00-dan sonra orqanizm qəbul etdiyi yağları toplamağa başlayır. Artıq 21.00-dan sonra istirahət zamanıdır. Bu saatdan sonra yemək yemək məsləhət deyil. Çünki qəbul edilən qidalar həzm edilmir və səhərə kimi mədədə qalır. 

Saat 23:00-dan sonra yuxu saatıdır. Professorun sözlərinə görə, gecə saatlarında işləyənlər daha çox xəta edirlər. diqqət son dərəcə azalır. Gecə saatlarında stress hormonu sürətlə artmağa başlayır.