Müsəlmanlar yandırıldı
15 İyun 2014 10:47 (UTC+04:00)
Banqladeşin paytaxtı Dəkkədə köçkün düşərgəsində
yanğın baş verib.
Movqe.az ANS PRESS-ə istinadən xəbər verir ki, bir
neçə yaşayış məntəqəsinin yanması nəticəsində azı 9 nəfər ölüb,
onlarla insan yanıq xəsarət alıb. Yanğının yerli insanlar
tərəfindən qəsdlə törədildiyi ehtimal olunur. Belə ki, yanğında
ölən müsəlman ailə üzvləri ilə İslam dini bayramı Bəraət gecəsi ilə
əlaqədar qonşuluqda yaşayan sakinlər arasında mübahisə və
dava-dalaş olub.
Yanğında bir ailənin 5 üzvü ölüb. "Kiçik uşaqlar,
onların anaları və qızlar yanğında həlak olublar. Bu bizə qarşı
işgəncə deyil, bəs nədir?" - deyə yerli İslam cəmiyyətinin
üzvlərindən biri etirazını bildirib.
Faktla bağlı istintaq başladılıb.