Bütün Azərbaycan bu toydan danışır
15 İyun 2014 20:07 (UTC+04:00)
Gəlin çoxdandır xəyalını qurduğu günə
hazırlaşdı... Bəy vüsala çatmağa tələsdi.. Toy günlərini möhtəşəm
etməyin xəyalını qururdular. Toy mağarı bəzədildi, yeməklər
düzüldü, qonaqlar gəldi...
Amma gözlənilməz bir sürprizləqarşılaşdılar... Toy
başlayan kimi gəlinlə bəy məkanı tərk etməyə məcbur
qalıblar...
Movqe.az xezerxeber.com-a istinadən xəbər verir ki
, bu görüntülər Tovuzun ucqar dağ kəndi olan Kirənədə təşkil
olunmuş toy mərasimindəndir. Toy dolu səbəbindən yarımçıq
qalıb.
Kimi başını doludan yastıqla qoruyur, kimi isə
mağardan çıxmağın yollarını axtarır...
20 dəqiqə davam edən dolu və külək mağarın
içindəkiləri bir-birinə qatıb. Süfrə havada uçub, yeməklər dağılıb,
ətraf tar-mar olub....
Qonaqlar mağarın dəmirlərindən tutaraq, toyun
davam etməsi üçün dəridən-qabıqdan çıxıblar. Ancaq sonradan daha da
şiddətlənən dolu kənd sakinlərinin bu arzusunu ürəklərində
qoyub.
Hadisə qarşısında kimisi gülüb, kimisi isə canının
hayına qalıb. Amma hər kəs bu toyun başqalarından daha yaddaqalan
olduğunu düşünür. Bu təbiət hadisəsi isə yəqin ki, bəy və gəlinin
yadında hələ uzun müddət qalacaq.