Meymuna ad günü partisi keçirtdilər
17 İyun 2014 11:07 (UTC+04:00)
ABŞ-dakı Atlanta Zooparkında yaşayan dünyanın ən yaşlı qorillası
Ozzi üçün ad günü partisi təşkil edilib. Movqe.Az xəbər verir ki,
53 yaşı olan erkək qorillanın Atalar Günü ilə eyni vaxtda təsadüf
edən doğum günü partisinə qatılan ata və uşaqlarına pulsuz giriş
haqqı tanıyan zoopark rəhbərliyi, 160 kiloluq Ozziyə dörd mərtəbəli
rəngarəng ad günü tortu hazırlayıb. Ozzi, hər
mərtəbəsində fərqli qidalar olan tortu tamaşaçılarının qarşısında
nuşla yeyib. Növünün ən yaşlı 10 nümunəsindən biri olan Ozzinin
hazırda həyatda olan 10 balası və 9 nəvəsi var. Ozzinin səs-küydən
və xüsusilə telefon səsindən xoşlanmadığı deyilib.