Futbol üzrə Dünya Çempionatında qrup mərhələsinin oyunları davam
edir. Movqe.az xəbər verir ki, A qrupunda II turun ikinci oyunu
keçirilib. İlk oyunda məğlub olan iki komanda – Kamerun və
Xorvatiya millilərinin görüşü maraqla gözlənilirdi. Məğlub olan
tərəf mundialla erkən vidalaşmalıydı. Bu komanda Kamerun olub.
Afrika təmsilçisi dalbadal ikinci oyunda da məğlubiyyətlə
üzləşərək, mundiala vida edib. Qeyd edək ki, bu, tərəflərin tarixi
ərzində ilk görüşü olub.