Sabah Azərbaycana yay fəsli gələcək.
Azərbaycan Milli Elmlər Akademiyasının (AMEA) Nəsrəddin Tusi adına Şamaxı Astrofizika Rəsədxanasının direktor müavini Xıdır Mikayılov APA-ya açıqlamasında bildirib ki, bu il yay Azərbaycana iyunun 21-də Bakı vaxtı ilə saat 15:51 dəqiqədə daxil olacaq.
Yayın və qışın daxil olmasına isə Günəş duruşu deyilir (Yay və Qış Günəş duruşu). Beləliklə, iyunun 21-də Yay Günəş duruşunda olarkən Azərbaycana yay gələcək. Dekabrın 22-də isə Qış Günəş duruşunda olarkən qış fəsli Azərbaycana daxil olacaq.
X.Mikayılovun sözlərinə görə, payız fəsli sentyabrın 23-ü Bakı vaxtı ilə 07:29 dəqiqədə ölkəmizə qədəm qoyacaq və həmin an Günəş payız bərabərliyi nöqtəsində olacaq. Qış Azərbaycana dekabrın 22-də Bakı vaxtı ilə saat 03:03 dəqiqədə qədəm qoyacaq.