Gül İhsanoğlu ilə qarşılaşmamaq üçün məscidi dəyişdirdi
21 İyun 2014 14:11 (UTC+04:00)
Türkiyə prezidenti Abdullah Gülün ötən gün cümə
namazında prezident seçkilərində müxalifətin vahid namizədi olan
Ekmələddin İhsanoğlu ilə qarşılaşmamaq üçün başqa məscidə namaz
qılmağa getdiyi iddia olunub.
MOvqe.az ANS PRESS-ə istinadən xəbər verir ki,
Türkiyənin müxalif partiyaları olan CHP və MHP tərəfindən vahid
namizəd olaraq adı önə sürülən Ekmələddin İhsanoğlu avqust ayında
keçirilməsi planlaşdırılan prezidet seçkisi hazırlıqlarına
başlayıb.
Ötən gün cümə namazına Yeniköy mərkəzi məscidinə
gedən İhsanoğlu müxbirlərdən qaça bilməyib. Onlar, "Abdullah Gülün
siz burda olduğunuz üçün məscidi dəyişdirdiyini bilirsinizmi?"
-sualına xəbərdar olmadığını bildirib.
Qeyd edək ki, Abdullah Gül Davutoğlu ilə cümə
namazını köşkün yanındakı Tarabya məscidində qılıb.