Hazırda Avropa Şurası Parlament Assambleyasında (AŞPA) yay sessiyası keçirilir. Azərbaycan prezidenti İlham Əliyev sessiyada AŞPA üzvləri qarşısında çıxış edir. Qeyd edək ki, bu, Azərbaycanın Avropa Şurasındakı sədrliyi zamanı keçirilən ilk sessiyadır. İlham Əliyev Avropa Şurası Parlament Assambleyasının iclasında çıxışı zamanı vacib bəyənatlarla çıxış edib: "Ermənistan Dağlıq Qarabağ münaqişəsinin həlli ilə bağlı konkret addımlar atmaq fikrində deyil". deyərək İlham Əliyev bildirib. Prezident bildirib ki, işğal etdiyi Azərbaycan torpaqlarını tərk etmək istəməyən Ermənistan Dağlıq Qarabağda mövcud status-kvonun saxlanılmasına çalışır: "Dağlıq Qarabağ Azərbaycanın tarixi torpağıdır. Bütün dünya Dağlıq Qrabağın Azərbaycan aid olduğunu qəbul edir. Ermənistan isə bununla razılaşmaq istəmir. İşğal nəticəsində tarixi abidələr, qəbirstanlıqlar, məscidlər dağıdılıb. 20 il keçib. Lakin münaqişə öz həllini tapmır. Ermənistan Qarabağı tərk etmək istəmir. Dağlıq Qarabağ münaqişəsi tezliklə həllini tapmalıdır".