Movqe.Az bildirir ki, Avstraliyanın
siyasi lideri Simon Şeik qatıldığı bir canlı verilişdə masanın
üzərinə yıxılıb. Proqram əsnasında verilən suallara çətinliklə
cavab verən Simon qarşısındakı su stəkanına əlini uzatdığı anda
vəziyyəti pisləşərək masanın üzərinə yıxılıb. Heyətin kömək
üçün qaçdığı an Simon oyanaraq "Üzr istəyirəm, özümdən
getdim" deyib. Simon heyətin köməyiylə studiyadan çıxarılıb.
Simonun həyat yoldaşı Anna Rose hadisədən sonra sosial saytların
birində "Simonla maraqlandığınız üçün hamınıza çox təşəkkür edirik,
təcili yardım gəlib" sözlərini bildirib. Müalicə aldıqdan sonra
Simon da, "Proqramda qala bilmədiyim üçün kədərləndim,
xəstəxanadayam hər kəsə dəstəyindən ötrü təşəkkür edirəm" deyərək
vəziyyətinin yaxşı olduğunu açıqlayıb.