Gecce.az xəbər verir ki, bu gün "Günəbaxan" verlişinin qonağı olan müğənni Samir Piriyev son zamanlar yeni aranjımanda Gülayın da ifasında tez-tez efirlərdə səslənən "Canım oy" mahnısını ifa edib. Hər şey də məs bu mahnıdan sonra baş verib.
Belə ki, ifa bitdikdən sonra verlişin aparıcısı İlqar Mikayıloğlu üzünü Samir Piriyevə tutaraq onu ritmik mahnını sönük ifa etməkdə qınayıb:
"Mən ekran başında əyləşib sən bu mahnını ifa edən zaman televiziyanın səsini alıb sənə baxsaydım elə bilərdim ki, sən ritmik mahnı yox, lirika oxuyursan".
Aparıcının bu qınağı müğənni tərəfindən cavabsız qalmayıb: "Mahnının sözlərində bir niskillik var. "Vay-vay" var orada. Yenə də mən sənlə razı. Tənqidi qəbul edən insanam. O biri mahnılarda şpaqat oturacam ki, xoşuva gəlsin".