Gənc qadın məsciddə intihara cəhd etdi
28 İyun 2014 15:08 (UTC+04:00)
Türkiyənin Malatya vilayətindəki məscidlərdən birində intihara cəhd
hadisəsi baş verib. Movqe.az-ın ANS PRESS-ə istinadən xəbərinə
görə, ötən gün namaz qılmaq üçün məsciddə qadın otağına girən
qadınlar burda 26 yaşlı M.B.ni huşsuz vəziyyətdə aşkarlayıblar.
Gənc qadını qaldırmaq istəyərkən onun biləyindən qan axdığını
görərək polisə məlumat verilib.
Hadisə yerinə dərhal polis və təcili yardım cəlb olunub. İlkin
müdaxilə zamanı M.B.nin biləklərini kəsdiyi və siçan zəhəri içdiyi
məlum olub. İntihara cəhd edən qadın Malatya Dövlət Xəstəxanasına
çatdırılıb və onun həyatını xilas etmək mümkün olub.
Faktla bağlı cinayət işi açılıb və istintaq davam edir.