Braziliyada çempionat əleyhdarların etirazları davam edir
29 İyun 2014 21:00 (UTC+04:00)
Braziliyada futbol üzrə dünya çempionatının davam etdiyi bir vaxtda
da çempionat əleyhdarları etiraz aksiyalarını davam etdirir.
Movqe.az ANS TV-ə istinadən xəbər verir ki, ötən gün Rio-de-Janeyro
şəhərində 200-ə yaxın etirazçı məşhur Marakana stadionuna yürüş
ediblər. Etiraz aksiyası Kolumbiya yığmasının Uruqvay komandasını
məğlub etdiyi matçla eyni vaxta təsadüf edib.
Çempionat vaxtı asayişi qoruyan hərbi polis etirazçıların stadiona
daxil olmasının qarşısını alıb. Polislə qarşıdurmaya yaradan bir
neçə etirazçının saxlandığı bildirilir.
Futbol üzrə dünya çempionatının keçirilməsinə etiraz aksiyaları
çempionat başlamazdan bir neçə ay əvvəl başlayıb. Aksiya
iştirakçıları çempionata xərclənən vəsaitin təhsil və səhiyyəyə
sərf edilməsini tələb edirlər.