Sabahdan ərizə qəbulu başlayır
30 İyun 2014 16:20 (UTC+04:00)
Sabahdan etibarən müəllimlərin işə qəbulu üzrə
elektron ərizələrin qəbuluna başlanılacaq. İyulun 15-nə qədər davam
edəcək proses təhsil naziri Mikayıl Cabbarovun imzaladığı
"Ümumtəhsil müəssisələrinə və peşə liseylərinə müəllimlərin işə
qəbulunun tənzimlənməsi barədə" əmrə əsasən həyata keçiriləcək.
Movqe.az -ın məlumatına görə, Təhsil
Nazirliyindən (TN) qeyd edilib ki, TN sisteminə daxil olan
müəssisələrə müəllimlərin işə qəbulu mərkəzləşdirilmiş qaydada üç
mərhələli müsabiqə yolu ilə (elektron ərizədəki göstəricilərin
qiymətləndirilməsi, test imtahanı və müsahibə) elektron proqram
təminatı tətbiq olunmaqla həyata
keçirilir. Ali və orta ixtisas təhsili
müəssisələrini pedaqoji ixtisaslar üzrə bitirmiş və dövlət nümunəli
təhsil sənədi (diplom) almış, hazırda işləməyən, müvəqqəti əmək
müqaviləsi ilə işləyən müəllimlər müəssisələrə işə qəbul üzrə
müsabiqədə iştirak edə bilərlər.