Sürücülərin nəzərinə!-Bu yol 1 həftə bağlı olacaq
3 İyul 2014 11:48 (UTC+04:00)
Bakının Nərimanov rayonu Həsən Əliyev küçəsinin Azər Əliyev
küçəsindən Tbilisi prospektinə qədər olan hissəsi bağlanıb.
Bunu APA-ya Nəqliyyat Nazirliyi "Azəryolservis" ASC-nin
mətbuat xidmətinin rəhbəri Pünhan Mürsəliyev bildirib. Onun
sözlərinə görə, hazırda kommunikasiya xətləri üçün qazılmış
xəndəklərdə kipləşdirmə işləri gedir. Bundan başqa, kommunikasiya
quyularının dəmir-beton plitələri yenilənir, beton bordürlər isə
mərmərlə əvəz edilir. "Maksimum işlər 1 həftəyə yekunlaşacaq.
Bununla da, Tbilisi prospektində bütün hissələrdə, demək olar ki,
işlər tamamlanacaq", - deyə P. Mürsəliyev əlavə edib.