Azercell bölgələrdə mobil rabitənin inkişafı strategiyasını uğurla davam etdirir(R)

7 İyul 2014 17:43 (UTC+04:00)

Azərbaycanın lider mobil operatoru Azercell Telekom MMC bölgələrdə mobil rabitənin inkişafı və genişləndirilməsi strategiyasın sadiq qalaraq  iyulun 7-dən etibarən Lerik şəhərində yeni AzEks ofisini abunəçilərin ixtiyarına verib. Lerik şəhəri, Nizami küçəsində yerləşən ofisdə abunəçilər eyni anda 3 növ xidmətdən yararlana biləcəklər. Belə ki, yeni AzEks ofisi hamı üçün rahat olan "bir nöqtədə üç xidmət" ("one-stop shopping") konsepsiyası ilə çalışacaq. İlk dəfə olaraq Azercell tərəfindən təqdim olunan bu konsepsiyaya əsasən abunəçilər Azercell Ekspres ofisinə gələrək eyni anda üç xidmətdən yararlana bilər. Bu ofisdə həm telefon danışığına görə ödəmə həyata keçirmək, həm müştəri xidmətlərindən istifadə etmək, həm də yeni telefon və ya nömrə almaq mümkündür. Yeni açılan AzEks ofisi Lerik sakinlərinin etibarlı rabitə ilə yanaşı, həm də rahat müştəri xidmətlərindən yararlanmasına şərait yaradacaq.

 

Şəbəkəsini və əhatə dairəsini genişləndirən Azercell-in hal-hazırda Bakıda 19, regionlarda isə 30 Ekspres Ofisi fəaliyyət göstərir. Bundan əlavə Azercell-in Bakı şəhərində 4, bölgələrdə isə 6 Müştəri Xidməti mövcuddur.

 

Qeyd edək ki, Azercell şirkəti  bölgələrdə mobil rabitənin inkişafı və genişləndirilməsi strategiyası çərçivəsində yeni AzEks ofisləri ilə  yanaşı,  eyni zamanda sırf regionlar üçün nəzərdə tutulmuş bir sıra kampaniya və məhsulları da abunəçilərinin ixtiyarına verir. Belə ki, 06.07.2014-15.12.2014-cü il tarixlərində Cəlilabad, Masallı və Lerik rayonlarında nömrəsini Azercell şəbəkəsinə daşıyan Fakturasız Xətt abunəçiləri və əvvəlcədən müəyyən olunmuş mövcud və yeni təsis fakturasız xətt nömrələri üçün "Regional kampaniya" keçirilir. Bu kampaniya 3 mikrokampaniyadan ibarət olacaq. "Azercellə gəl - 1 yuklə , 3 al" kampaniyası çərçivəsində, abunəçilər 30 iyun 2015-ci il tarixinədək yüklədikləri hər hansı danışıq kartı məbləğinin 2 mislini bonus şəklində Azercell-dən hədiyyə alacaqlar. Bonus məbləği şəbəkədaxili zənglər (qısa nömrələrə və rominq xidməti çərçivəsində edilən zənglər istisna olmaqla), ölkədaxili SMS və İnternet üçün 30 gün ərzində istifadə edilə bilər.  "Azercell-dən 10 dəqiqə hədiyyə kampaniyası" zamanı isə abunəçilər 2662 qısa nömrəsinə "hediyye", "podarok", present" sözlərindən birini və ya " " göndərməklə, növbəti günün sonuna qədər (00:00) pulsuz 10 dəqiqə danışıq imkanı əldə etmiş olacaqlar. Bonus dəqiqələrini şəbəkədaxili zənglər (qısa nömrələrə və rominq xidməti çərçivəsində edilən zənglər istisna olmaqla) üçün istifadə etmək       mümkündür.

 

  "3 AZN və daha artıq yüklə - 24 saat pulsuz danış" kampaniyasına qoşulan abunəçilər isə ən azı 3 AZN və daha artıq nominalda kart yükləməklə, 24 saat pulsuz danışıq əldə edəcəklər. Bonus dəqiqələrini, yükləmə etdikdən sonra, 24 saat ərzində şəbəkədaxili (qısa nömrələrə və rominq xidməti çərçivəsində edilən zənglər istisna olmaqla) zənglərə istifadə etmək mümkündür.

 

Hər zaman abunəçilərinin rahatlığını düşünən Azercell daha yeni kampaniyaları və xidmətləri ilə Sizləri sevindirəcək. Azercell-lə bu yayı daha yaxşı yaşayın!