Respublika Baş Dövlət Yol Polisi İdarəsinin şöbə rəisi Kamran Əliyev avtomobilin işıq sistemindən düzgün istifadə olunmaması bəzən ağır yol qəzalarına səbəb olduğunu bildirib.
"Sürücü işıq cihazlarından düzgün istifadə etməlidir. Bəzən sürücüləri, xüsusən də ötmə əməliyyatı aparan sürücüləri bu işıqlar çaşdırır. İşıq cihazlarından düzgün istifadə etməmək işığı həmişə reallıqda olduğundan daha uzaq göstərir. Ötmə əməliyyatı aparan sürücü elə bilir ki, onunla qarşıdan gələn avtomobil arasındakı məsafə daha çoxdur, amma reallıqda bu məsafə azdır. Bu işıq sürücünü aldadır və qəza şəraiti yaradır", - şöbə rəisi deyib.
Qeyd edək ki, işıq cihazlarından istifadə qaydalarının pozulmasına görə İnzibati Xətalar Məcəlləsinin 151-2.1-ci maddəsi ilə 30 manat məbləğində cərimə nəzərdə tutulub.
Türkan Nadirqızı
Movqe.Az