Bakıda 3 nəfər liftdə köməksiz vəziyyətdə qaldı
15 İyul 2014 11:07 (UTC+04:00)
Bakıda 3 nəfər liftdə köməksiz vəziyyətdə qalıb. Movqe.az Fövqəladə
Hallar Nazirliyinin (FHN) rəsmi saytına istinadən xəbər verir ki,
Bakı şəhəri, Yasamal rayonunda doqquzmərtəbəli yaşayış binasının
liftində 3 nəfər köməksiz vəziyyətdə qalıb. Dərhal hadisə yerinə
Fövqəladə Hallar Nazirliyinin müvafiq xilasetmə qüvvələri cəlb
olunublar. Xilasedicilər hadisə yerində əməliyyat şəraitini
qiymətləndirərkən məlum olub ki, lift texniki nasazlıq səbəbi ilə
5-ci mərtəbədə dayanıb. Xilasedicilər təhlükəsizlik qaydalarına
riayət etməklə xüsusi alət və avadanlıqlar vasitəsilə lifti 4-cü
mərtəbəyə endirib qapısını açıb və vətəndaşları liftdən çıxmasına
şərait yaradıblar.