Bakının Babək prospektində yol çöküb. Çökmə yolun altından keçən su kəmərlərindəki sızma nəticəsində baş verib.
Məsələ ilə bağlı Nəqliyyat Nazirliyi "Azəryolservis" ASC-nin
mətbuat katibi Pünhan Mürsəliyev də bildirib ki, yolun çökməsi
ərazidəki su xəttində baş vermiş qəza nəticəsində yaranıb. Lakin
artıq problem aradan qaldırılıb: "Ərazidə təmir işlərinin
aparılması üçün "Azərsu" ASC tərəfindən texniki şərt alınıb və
yolun 35 kv.m hissəsində qazıntı işləri aparılıb. Artıq su xəttində
olan problem aradan tam qaldırılıb. Texniki şərt alındığı üçün
onlar yəqin ki, asfalt örtüyünü də bərpa edəcəklər".