Masallı Rayon İcra Hakimiyyətinin başçısı Rafil Hüseynovun Azərbaycan Respubilkasının Prezidenti cənab İlham Əliyevin tapşırıq və göstərişlərinə əsasən yerlərdə görüş-qəbullarını davam etdirir. O, belə görüşlərdə kəndin problemləri və sosial məsələləri ilə maraqlanır, yerindəcə həlli araşdırılır. Növbəti dəfə, iyulun 16-da da R.Hüseynovla Sərçuvar kənd inzibati ərazi dairəsində keçirdiyi səyyar-qəbul görüşdə rayonun bütün idarə, müəsissə və təşkilat rəhbərləri kəndin mərkəzinə toplaşmışdır.Görüşdə ictimaiyyət nümayəndələri iştirak etmişlər.
Bir vacib məsələni bildirək ki, rayon rəhbəri şlədiyi müddət ərzində bir neçə dəfə bu ərazidə olmuş, əhalinin qayğıları ilə yaxından tanış olmuş, Azərbaycanın Milli Qəhrəmanı Səfəralı Məmmədovun doğulduğu evdə valideynlərinin qonağı olmuşdur.
Belə ki, keçən ilin oktyabrında, Səfərəli Məmmədovun doğum günündə ev müzeyinin açılışında olub, Azərbaycanın 11 nəfər ilk Milli Qəhramanlarından birinin 50 illik yubileyi ilk olaraq böyüyüb boya- başa çatdığı Sərçuvarda, adını daşıdığı məktəbdə qeyd edilib.
Anım günü qəhrəmanın adına salınan ev muzeyində davam etdirilib. RİH başçısı Rafil Hüseynov və şəhidin valideyinləri muzeyin rəmzi açılış lentini kəsib, muzeyə vurulan xatirə lövhəsinin açılışını ediblər. Daha sonra muzeylə tanışlıq olub, şəhidin istifadə etdiyi əşyalara baxılıb.
Qeyd edək ki, şəhid Səfəralı Məmmədov 1990 – cı illərdə, Ağdam rayon daxili işlər şöbəsində post patrul batalyonunda tağım komandiri olub. 1992 – ci ilin fevral ayının 16 – da Xocavənd rayonunun Qaradağlı kənd sakinlərini xilas edən zaman S.Məmmədovun komandir olduğu tağım minaya düşüb. Şəhid Səfəralı Məmmədov aldığı xəsarətdən dünyasını dəyişib...
Sərçuvar və Sirəbil kəndinin sakinləri ilə görüşü açan R.Hüseynov demişdir:
-Respubilkamızda yüksək inkişaf və tərəqqinin əsası Heydər Əliyev tərəfindən qoyulmuş Azərbaycan Prezidenti Cənab İlham Əliyevin uğurlu xarici və daxili siyasəti sayəsində davam etdirir. Azərbaycan dövləti dünyanın yüksək inkişaf edən ölkələrindən birinə çevrilir və ölkə rəhbərinin səyi nəticəsində hər yerdə geniş tikinti işləri surətlə aparılır, Bakı tanınmaz olur. Keçmiş sovetlər dövründə bu kəndlər diqqətdən kənarda qalmışdır. Düzdür, Sərçuvar, Sirəbil vaxtilə tərəvəzçilik və maldarlıq sahəsində qabaqda olmuşdur.İndi bu ərazi hamımızın fəxri, Qarabağ müharibəsinin cəsur döyüşçüsü, Azərbaycanın Milli Qəhrəmanı Səfəralı Məmmədovun və daha iki şəhid vermiş Niyaz İsabala oğlu Səmədov və Elşən Gülağa oğlu Eyvazovun kəndidir.
Kənd sakinlərindən Adəm Məhərrəmov, Yolbəyi Məhərrəmov və başqaları çıxış edərək bir neçə dəfə onlarla görüşə gəldiyinə görə rayon rəhbərinə təşəkkürü bildirmiş, Masallı rayonunda və onun bütün kəndlərində quruculuq abadlıq işlərindən razılıq etmişlər.
Sərçuvar kənd bələdiyyəsinin mavini Mirhüseyn Hüseynov dedi:
- Ərazimizə xoş gəlmisiniz.Yaşadığım Sirəbil kəndində böyük irəlləyiş var, işıqlar sönmür. Neçə on illiklər idi rayon rəhbərinin ayağı bizim kəndə dəymirdi.
Ağsaqqal şurasının sədri Xudayar Fəttayev:
- Xoş gəlmisiniz, sizə böyük hörmətimiz var. Kəndimizin caamatı dindardır,əsasən maldarlıq və tərəvəzçiliklə məşğul olur. Kəndimizdə qaz yoxdur. Qazın çəkilməsinə köməklik göstərməyinizi xahiş edirik.
Fərasət Mikayılov:
- Hörmətli başçı, siz rayonumuza rəhbər təyin olunduqdan sonra ucqar kəndlərimizdə, Masallının mərkəzində böyük tikinti abadlıq işləri aparılır, bu iı dayanmaq bilmir.Təsərrüfatçılığınıza, işgüzarlığınıza bələdik.Bu da Sizin təcrübənizdən irəli gəlir, adamlar Sizə inanır. Hər gün eşidirk ki, müəyyən bir ərazidə, iş başındasınız. Kəndimizdən olan və vətən uğrunda canlarını qurban vermiş, üç şəhid ailəsinə diqqətinizi əsirgəmədiyinizə görə təşəkkürümüzü bildiririk.Xahiş edirəm gələcəkdə uşaq bağçası və həkim məntəqəsinin tikintisinə, içməli suyun verilməsinə də qayğı göstərəsiniz.
Sərçuvar inzibati ərazi dairəsi üzrə bu ilin altı ayı ərzində görülmüş işlər barədə də məlumat verilmişdir.Bilindi ki, Sirəbilə 2 kilometr və Sərçuvara död kilometr kəndlara yolları qrabillə təmir edilmiş, Sərçuvar kəndində qəbirstanlıq ərazisində abadlıq tikinti işləri aparılaraq yeni talvar, hasar, abidə tikilərək yeni yol çəkilmiş və tam istifadəyə verilmiş, Sirəbil kəndində Mir Kamal Ağa ocağında təmir-tikinti işləri başa çatdırılmış, ətrafında yaşıl ağaclar yol boyu əkilmiş, Sərçuvar kəndində 2 klometr suaparıcı kanallar qazılaraq mal-qaranın suvarılması təmin edilmişdir, Sirəbil kəndində yerləşən məsciddə əsaslı təmir işlərinə başlanmışdır, Sirəbil və Sərçuvar kəndlərində 10 yararsız elektrik dirəkləri dəyişdirilmiş, hava xəttinə toxunan ağac budaqları kəsilmiş, Sirəbil kəndində qəbirstanlıq ərazisində torpaqlama, hamarlama və giriş meydançasının düzəldilməsi işləri xeyriyyəçilər tərəfindən görülmüşdür.
Görüş-qəbulun sonunda RHİ başçısı tövsiyyə və tapşırıqlarını verdi, dedi ki, burda qaldırılan məsələləri həll etməyə çalışacağıq.Verdiyiniz təkliflər və müraciətlər həllini tapacaq.İnkişaf birlikdədir.Kənddə bir-birinizlə mehriban olun. Ancaq çətinliklər ağsaqqal və ziyalı sözü bir olanda öz həllini tapır.Gələcək nəsilləri düşünmək lazımdır.Gənclərə, gəncliyə önəm verin...