Modelin qaşları İngiltərəyə 8 milyon qazandırdı
28 İyul 2014 11:00 (UTC+04:00)
İngilis model Kara Delevin 21 yaşı olmasına baxmayaraq, qaşları
sayəsində gözəllik ustadlarına 8 milyon pul qazandırıb.
Movqe.az ANS PRESS-ə istinadən xəbər verir ki, ingilis qadınları
qaşlarını qalınlaşdıran və gurlaşdıran kosmetik vasitələrə il
ərzində 8 milyon pul xərcləyiblər. Modelin sayəsində dəb formasına
çevrilən qaşlara sahib olmaq artıq heç də çətin deyil. Ən maraqlısı
isə budur ki, bütün dünya üzrə məşhur olan "Google" axtarış
saytında hazırda Delevinin adı çəkilir. Gün ərzində minlərlə insan
"qalın qaşlara sahib olmaq" yazaraq axtarış verir.
Qeyd edək ki, İngiltərədə qaşları gurlaşdıran məhsulların
satışından gələn gəlirdə ötən illə müqayisədə 53 faiz artım olub.