Üzüm bağı qonşunun güdazına getdi
29 İyul 2014 18:08 (UTC+04:00)
Ötən gün Qax rayonunda üzüm bağı yanaraq məhv
olub. Movqe.az ANS PRESS-ə istinadən xəbər verir ki, hadisə
Azərbaycan küçəsində İlqar Məmmədova məxsus üzüm bağında baş
verib.
Belə ki, axşam saatlarında adıçəkilən ünvanda
yaşayan qonşunun həyətində yığılan ot tayasında yanğın olub.
Havanın küləkli olması yanğını şiddətləndirib və alov qonşu
həyətinə keçib.
Yanğının getdikcə böyüməsi nəticəsində üzüm bağı
tamamilə yanaraq külə dönüb.
Hadisə yerinə Qax rayon Yanğından Mühafizə
hissəsinin 7 yanğınsöndürən maşını və canlı qüvvəsi cəlb olunub. 2
saata yaxın davam edən yanğın, yanğınsöndürənlərin səyi nəticəsində
söndürülüb. Eyni zamanda yanğının yaxınlıqda olan bağlara
keçməsinin qarşısı alınıb.
Hadisə nəticəsində xoşbəxtlikdən xəsarət alan
olmayıb.
Faktla bağlı araşdırma aparılır.