Azərbaycanda "Mitsubishi" ağaca çırpılıb yandı
7 Sentyabr 2014 13:10 (UTC+04:00)
Ötən gecə Göygöl rayonunda yol qəzası baş verib.
Movqe.az-ın Fövqəladə Hallar Nazirliyinin saytına istinadən
məlumatına görə, Göygöl rayon mərkəzindən 4 km aralıda "Mitsubishi"
markalı minik avtomobili idarəetmədən çıxaraq yolun kənarındakı
ağaca çırpılıb.
Qəza nəticəsində avtomobildə yanğın baş verib və avtomobilinin
yanar hissəsinə zərər dəyib.
Yaxınlıqdakı tikililər yanğından mühafizə olunub.
Yanğınsöndürənlər tərəfindən yarana biləcək əlavə təhlükənin
qarşısı alınıb.