Azərbaycan paytaxtının ən böyük prospektlərindən biri bu gündən təmirə bağlanır
14 İyul 2012 12:25 (UTC+04:00)
Bu barədə APA-ya Bakı şəhər Baş Polis İdarəsinin
Dövlət Yol Polisi İdarəsinin bölmə rəisi Vaqif Əsədov məlumat
verib.
Onun sözlərinə görə, "Dalğa Plaza"nın qarşısından "Azneft" dairəsi
ilə Azadlıq meydanınadək dənizkənarı bulvar boyu təmir-tikinti
işlərinə və yeni asfalt örtüyünün çəkilməsinə start verilib.
Bununla əlaqədar iyulun 14-dən qeyri-müəyyən vaxtadək Neftçilər
prospektində nəqliyyatın hərəkətinə məhdudiyyət qoyularaq istiqamət
dəyişdiriləcək.
Sürücülərdən alternativ yollardan - Bayıl qəsəbəsindən Qurban
Abbasov küçəsi ilə Dağüstü park, Parlament prospekti, Mikayıl
Müşfiq küçəsi; Üzeyir Hacıbəyov küçəsindən keçməklə Azadlıq
prospekti və Zərifə Əliyeva küçəsindən Rəşid Behbudov küçəsi ilə
Bakıxanov küçəsi; Rəsul Rza küçəsindən keçməklə Xaqani küçəsinə;
Bülbül prospekti ilə Üzeyir Hacıbəyov küçəsinin kəsişməsindən Səməd
Vurğun küçələrindən istifadə etmələri xahiş
olunur.