Toy karvanının qabağını kəsən uşaqlar cərimələnəcəklər
13 Sentyabr 2014 23:16 (UTC+04:00)
Türkiyədə gəlin maşınının qabağını kəsən uşaqlar cərimə
ediləcək.
Movqe.az Milli.az-a istinadən xəbər verir ki , yeni qərar avtomobil
şüşəsi silən, dəsmal, çiçək, hədiyyəlik əşya satan, toy karvanının
önünü kəsərək öz həyatına və ətrafdakıları təhlükəyə atan uşaqların
ailələrinə tətbiq ediləcək. Yəni qanun pozuntusuna görə, sözügedən
uşaqların ailələri cərimə ediləcək.
Bu qərar hələlik Türkiyənin Uşak vilayətinin valiliyinə şamil
edilir. Bölgədə bütün qovşaq, prospekt, park və buna bənzər
cəmiyyətə açıq məkanlarda nəqliyyatın və piyadanın hərəkətinə maneə
törədən addımların qarşısı alınacaq.
Valilikdən bildirilib ki, gələcəyin təminatı olan uşaqların sağlam
və etibarlı olmayan mühitlərdə çalışmaq məcburiyyətində qalması
onların bədən, ruh və əxlaqi inkişaflarına mənfi təsir göstərir.