Kiyev Bakı ilə hərbi əməkdaşlığı genişləndirmək niyyətindədir
14 Sentyabr 2014 00:08 (UTC+04:00)
Bakı və Kiyev müdafiə sənayesi sahəsində əməkdaşlığı
müzakirə edib.
Movqe.az publika.az-a istinadən xəbər verir ki , bu barədə
"Ukroboronprom" Ukrayna Dövlət Konserinin aparat rəhbəri Deniz
Radov "ADEX-2014" beynəlxalq hərbi sərgisində çıxışı zamanı
deyib.
Onun sözlərinə görə, "Ukroboronprom" Rusiya ilə hərbi təyinatlı
məhsulların istehsalı üzrə ortaq müəssisələr açmağı
planlaşdırmır.
"Bizdə belə planlar yoxdur. İndi elə vəziyyətdir ki, adi
müqavilələri belə yerinə yetirmək mümkün deyil. Bu dövlət
səviyyəsində qadağan edilib", -deyə o bildirib.
Qeyd edək ki, Bakıda keçirilən "ADEX-2014" beynəlxalq hərbi sərgidə
34 ölkənin hərbi təyinatlı məhsulları nümayiş olunur.