Bu yoldan keçməyin
16 Sentyabr 2014 13:50 (UTC+04:00)
Bu gün Bakıda daha bir yol avtomobillərin hərəkəti
üçün bağlanacaq.
Nəqliyyat Nazirliyi "Azeryolservis" ASC-nin
mətbuat xidmətinin rəhbəri Pünhan Mürsəliyevin ANS PRESS-ə verdiyi
məlumata görə, axşam saat 22:00-dan etibarən Keykab Səfərəliyeva və
Rixard Zorge küçələrində yol bağlanacaq.
Onun sözlərinə görə, yolda abadlıq işləri
görüldüyü üçün hərəkət məhdudlaşacaq.
"Keykab Səfərəliyeva və Rixard Zorge küçələrində
yolun hərəkət hissəsinin üfüqi nişanlanması ilə əlaqədar nəqliyyat
vasitələrinin hərəkəti tam məhdudlaşdırılacaq. Puşkin küçəsi isə
qismən bağlı olacaq. İşlər sabah yekunlaşacaq", - deyə Pünhan
Mürsəliyev bildirib.