Mətbuat Şurasının sədri: “Jurnalistlərin sosial sığortası ilə bağlı problem hələ də qalmaqdadır”
17 İyul 2012 12:14 (UTC+04:00)
"Azərbaycanda jurnalistlərin sosial
sığortası ilə bağlı problem hələ də qalmaqdadır. Çünki bu vaxta
qədər redaksiyalarda nə qədər jurnalistin çalışdığı hələlik bəlli
deyil". APA-nın xəbərinə
görə, bu barədə jurnalistlərə açıqlamasında Azərbaycan Mətbuat
Şurasının sədri Əflatun Amaşov deyib.
Onun sözlərinə görə, işəgötürənlə işəgötürülən arasında müqavilənin
tələblərə cavab vermədən bağlanması və ümumiyyətlə belə müqavilənin
olmaması problemi mövcuddur: "Azərbaycanda çalışan jurnalistlərin
sayını dəqiqi müəyyən etmədən bu problemi həll etmək
qeyri-mümkündür"