Bu ilin yanvar-avqust aylarının yekunlarına görə, Azərbaycan banklarında yerləşdirilmiş əmanətlərin məbləği 14,64 milyard manat olub.
Movqe.az publika.az-a istinadən xəbər verir ki , Mərkəzi Bankdan daxil olan məlumata görə, bu, ötən ilin eyni dövrü ilə müqayisədə 25,5% və yaxud 2,98 milyard manat çoxdur. İlin əvvəlindən isə əmanətlərin məbləği təxminən 17,3% və yaxud 2,16 milyard manat artıb.
Əmanətlərin 47,8%-i və yaxud 7 milyard manatı fiziki şəxslərə (ev təsərrüfatlarına) məxsus olub. 2013-cü ilin ilk 8 ayı ilə müqayisədə vətəndaşların əmanətləri 14,8% və yaxud 900 milyon manat artıb. İlin əvvəli ilə müqayisədə artım isə 600 milyon manat və yaxud 10%-ə yaxın olub.