Evlənmə təklifi üçün icarəyə götürdüyü hava şarı Sakit Okeanına düşdü. Gəlin və bəy qəzadan sağ-salamat xilas ola bildi.
Movqe.az xəbər verir ki, ABŞ-ın Kaliforniya əyalətində yaşayan Erik Baretto, sevgilisinə hava şarında evlənmə təklifi edəcəkdi, ancaq romantik bir sürpriz olması gözlənilən şar dəhşətə çevrilib. Cənubi Kaliforniyadakı San Diego şəhərində olan Cardiff Sahilinə yaxın bir nöqtədən bazar günü axşamçağı havalanan şar, qısa müddət sonra nəzarətdən çıxaraq dənizə düşüb. Cütlük ətrafdakı insanlar tərəfindən xilas edilib.