Balakəndə şahmat turniri
7 Oktyabr 2014 13:52 (UTC+04:00)
Balakəndə Gənclər və İdman Nazirliyi ilə Təhsil Nazirliyinin birgə
təşkilatçılığı ilə Respublika Uşaq Gənclər şahmat məktəblərinin
komandaları arasında Respublika birinciliyinin seçmə mərhələsinə
start verilib.
Movqe.az Milli.Az-a istinadən xəbər verir ki,turnir 5-12 oktyabr
tarixləri arasında keçiriləcək. Respublika birinciliyində 12
rayondan 120 şahmatçı mübarizə aparacaq. İlk 3 yeri tutan 6 yaş
qrupunda zəka sahibləri noyabrda Qubada keçiriləcək final
mərhələsinə vəsiqə qazanacaqlar.
Qeyd edək ki, final mərhələsində birinci və ikinci yerə layiq
görülən yeniyetmə və gənc şahmatçılar ölkəmizi dünya və Avropa
çempionatlarında təmsil etmək imkanı qazanacaqlar.