Rusiyada zəhərlənən 28 türk uşaq xəstəxanaya qaldırıldı
18 İyul 2012 12:33 (UTC+04:00)
Movqe.Az bildirir ki, Rusiyaya bağlı
Adıgey Respublikasında tətil edən 28 türk uşaq yedikləri qida
məhsullarından zəhərlənərək xəstəxanalıq olublar. Şimali
Qafqazda olan Adıgey Respublikasında yaşanan hadisəylə əlaqədar
"İnterfaks" agentliyinə danışan Təcili Yardım Nazirliyi
səlahiyyətliləri bildiriblər ki, "Təxminən 30 uşaq bağırsaq
infeksiyası səbəbiylə xəstəxanaya qaldırılıb. Bunların 28-i
Türkiyədən gələn uşaqlardır. Hamısı həkimlərin nəzarəti altında
müalicə alır". Təcili Yardım Nazirliyinin Cənubi Region
Dairəsindən verdiyi məlumata görə, türk uşaqların "Dost-Ailə"
proqramı çərçivəsində Adıgey Respublikasında rus ailələriylə
birlikdə tətil etdiblər.