Azərbaycan və Ermənistan xarici işlər nazirlərinin növbəti görüşünün vaxtı açıqlanıb
18 İyul 2012 15:07 (UTC+04:00)
Azərbaycan və Ermənistan xarici
işlər nazirlərinin Dağlıq Qarabağ münaqişəsinin nizamlanmasına dair
növbəti görüşü sentyabrın sonlarında BMT Baş Assambleyasının
növbəti sessiyasının açılış mərasimi çərçivəsində baş tuta
bilər. APA-nın məlumatına
görə, bu barədə jurnalistlərə Azərbaycanın xarici işlər naziri
Elmar Məmmədyarov bildirib.
Onun sözlərinə görə, ATƏT-in Minsk Qrupunun həmsədrləri Azərbaycan
və Ermənistan xarici işlər nazirlərinə əvvəlcə Avropa
paytaxtlarından birində ayrıca görüş keçirməyi təklif ediblər.
Bundan sonra isə sentyabrda Nyu-Yorkda xarici işlər nazirlərinin
ikitərəfli görüşü baş tuta bilər.