Portuqaliya Kubokunda III turun oyunları keçirilir. Movqe.az Goal.az-a istinadən xəbər verir ki, "Qəbələ"nin keçmiş futbolçusu Amit Quluzadənin çıxış etdiyi "Atletico" öz meydanında "Beira Mar" klubunu qəbul edib. Lissabon klubu rəqibini 3:0 hesablı ilə məğlub edib.
Bu görüşdə Quluzadə də mübarizə aparıb. O, fasilədən sonra Kikinin yerinə meydana çıxıb.
Qeyd edək ki, Amit "Atletico"nun heyətində ilk oyununu avqustun 31-də "Trofense"yə qarşı keçirmişdi. Bu matçda 37 dəqiqə oynayan futbolçumuz zədə aldığından həmin vaxtdan meydana çıxa bilməmişdi.