Azərbaycanda ümumi orta təhsil bazasında (9 illik) orta ixtisas təhsili müəssisələrinə ərizə qəbulunun vaxtı açıqlanıb
27 İyul 2012 12:32 (UTC+04:00)
APA-nın məlumatına görə, Tələbə Qəbulu
üzrə Dövlət Komissiyasının (TQDK) sədri Məleykə Abbaszadə keçirdiyi
mətbuat konfransında bildirib ki, abituriyentlər avqustun 1-dən
24-dək internet vasitəsilə elektron ərizələrini doldurmalı, tələb
olunan sənədləri təhsil aldıqları tədris müəssisəsinin yerləşdiyi
rayonda fəaliyyət göstərən sənəd qəbulu komissiyalarına təqdim
edərək təsdiqlətdirməlidirlər. Bu il ümumi orta təhsil bazasında (9
illlik) 47 orta təhsil müəssisəsinə qəbul aparılacaq. Ayrılmış plan
yerlərinin sayı 10404-dür. Onlardan 4866-sı dövlət sifarişi üzrə,
5538-i ödənişli əsaslarladır.